Чиктә

Шәһәр урамнары төз дә соң,
Шул урамнан йөргән без дә соң…

Юл аша йөгерәм: «Өлгерәм!»
Итәгем машина тузанын сөртә,
Газонда үләннәр «аһ» итә,
Сискәнеп һәлакәт җиленнән...
Барыбер туктамыйм, йөгерәм,
Миемне яшендәй уй өтә,
Сүгәмен үземне эт итеп,
Кан кача куркынган йөземнән.
Тик һаман туктамыйм, йөгерәм
Юл аша... Кая диң? Кибеткә!
Ипигә, күмәчкә, май-сөткә...
Ә гомер бердәнбер, бергенәм…

«КУ» 08, 2026

Фото: Шедеврум ии