Чиксез галәм. Якты кояш.

***
Чиксез галәм. Якты кояш.
Зәңгәр күкләр, йолдызлар...
Җирнең тиңсез гүзәллеге
Нечкәбилләр – яшь кызлар!
***
Патша кызын урласаң,
Исемең – ирләр санында.
Телем икмәк чәлдерсәң,
Урының – төрмә нарында.
***
Яшьлек канатлары җиде күктә.
Җирдә – титак картлык шәүләсе.
Яшьлек гөнаһлары – төпсез диңгез,
Чиксез тирән картлык тәүбәсе...
***
Яхшылык та килде...
Яманлык күп иңде!
Чын хөкемдар нинди?
Уң кулында – чәчәк!
Сул кулында – гөрзи!
***
Һәр матдәнең чын кыйммәте –
Аның тереклегендә...
Терек җанның орбитасы –
Җаны биеклегендә...
***
Туу – йолдыз кабыну...
Үлем – пәрдә ябылу...
***
Хакыйкатьне ачыкла –
Яшә бераз ачлыкта…

Сәбәбе бар
Милләт үзаңы – лагерь тузаны…

Бәхетле бул!
Күзең йом, авызың капла, колагың бөкелә…

«КУ» 10, 2025

Фото: Raphael ai