Чеховка кайту яки Ротшильд эскрипкәсе
...Бер кинәндек халык арасында – Азык эзләп йөрдек язарга!..
Алдан хәбәр биреп тормый гына,
Кайттым әле Антон Чеховка:
Җылы эзләп, гәптәш эзләп кайттым,
Чит учакка кайттым – чит утка!
Таганрогның бер тар тыкрыгында
Без йөрибез икәү гәпләшеп...
Әллә колак ялгыш ишеттеме –
Кемдер әйтте сыман: «Чәпләшке!»
Татарлыгым йөземә чыккандыр шул:
Шулай диюләре ихтимал.
Аннары бит... Чехов заманасы...
Каян килсен безгә ихтирам?!
Әле... СССРны узасы бар,
«Гололобый» булып ничә ел...
Без һаман да бөек халык түгел,
Шул ук «кече туган» – кичәге...
Азатлыкның әле исе дә юк,
Күренгәне дә юк ирекнең...
(Әкрен генә күтәрелгән чагы
Дәрәҗәсе чәшке бүрекнең!)
...Нинди хикмәт белән килеп чыктык
«Чехов базары»на – Казанга...
...Бер кинәндек халык арасында –
Азык эзләп йөрдек язарга!...
Кайсылары сыер теле ала,
Кемдер ала чучка колагы...
...Ишетелде шулчак бер кырыйда
Ротшильд эскрипкәсе1 елавы.
1 Ротшильд эскрипкәсе – А.П.Чеховның шул исемдәге хикәясенә ишарә. (Автор искәрмәсе.)
"КУ" 08, 2016
Фото: Шедеврум ии
Теги: шигырь поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Ялганчы да түгел, мин, билгеле, ......фантазер да түгел, псих та. .........Сатып алып вакыт машинасын, .........кунак булып кайттым Чеховта. ........ ...Чәркәханәдә гәпъ кора- кора, .........чәйли- мәйли торгач кич җитте. ........Таганрогның бер тар тыкрыгында, .........рәхәтләнеп икәү печ иттек. ......... ...Чехов шунда миңа “Чәпләшке”-ди, .....әллә мәе узган чаманы? ........Хурлансам да, телне тешләп түздем, .........Заманы бит- Чехов заманы!.. ......... ... Сәйлән (Дәвамы бар)
0
0
0
0
Аннан безгә кайтыш, СССРнытуры килде карап үтәргә.Тәмам азды Чехов, тотынды бит,“такырбаш” дип мине үртәргә.Күпме кирәк мыскыл итте, ә мин тыеп тордым көчкә йөрәкне.Тик Казанга кайткач кына беразкүтәрдем мин чәшке бүрекне.Ә Казанның Чехов базарындамин Чеховны үзем сыйладым:“Милли азык”, диеп бик ошатты,мин кыздырган чучка колагын...Озатканда аны, татар көенРодшильд эскрипкәсе уйнады.Чехов шунда нидер әйтмәк булды,тик әйтмәде үксеп елады... ... Сәйлән
0
0