Шигърият
Бирешмә, газиз халкым!
Сап-салкын көз, йөрәгем түз, Шартлама, берүк чыда!
Сап-салкын көз, йөрәгем түз,
Шартлама, берүк чыда!
Тозак корган дошманнарның
Ашмасын уе чынга.
«...Әлбәттә, без чигенәбез...»
Гаепле тотып үзен,
Чигенгәннәр, оялмыйча,
Халыкка әйтә сүзен.
Бирешмә, халкым, бирешмә,
Үләт, ваба чиренә.
Телне өзгән җаныңа да
Чирканмыйча үрелә.
Телне бирсәк, шушылар ук
Җаныбызны алачак.
Җансыз милләт, балаларга
Бездән соң ни калачак?!
...Кайнар кояш астында да
Каның туңып өшерлек –
Караңгылык баскан җиһан,
Төсен җуйган кешелек.
Шуның өчен көрәштеме
Гасыр буе милләтем?
Дәшми калма һәм чигенмә,
Җуйма яшәү кыйммәтен.
"КУ" 07, 2021
Фото: pixabay
Теги: шигырь поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Әйтер иде...Әйтер иде...“Чигенгәннәр оялмыйча,әйтсә дә, чигенәбез...”Без бит аның кем икәнен әйтмичә сүгенәбез.Юк, әйтергә күркабыз, кембезнең тел өзгәнне.Без дә әле түзәрбез, дип, биш йөз елга түзгәнне.Сүгенәбез, батыраеп, кергәч аулак урынга.Һәм күп вакыт, күкрәк кагу- җибәргәч өч борынга...Сәйлән (Ләйсән Мөгътәсимова)“Бирешмә, халкым!” дигәннәр, үзләре бит, бирешкән.Кемнәр-дошман? Әйтер иде, авызы, шул, бөрешкән!
0
0