Шигърият
Бернигә карамый кар ява...
Мин сине шулкадәр сагындым! Язы ни, кышы ни, яңгыры…
Бернигә карамый кар ява –
Елмаер сәбәбем шул бугай.
Тауларның биеген сайлыйм да,
Күңелнең сусавы – күл, тугай...
Бернигә карамый сибәли
Яңгыры, әйтерсең адашкан!
Бу әле чыбылдык кыш киче,
Ак кардан йомарлам атышкан.
Бернигә карамый кыздыра:
Гомернең җәйгәме барышы?..
Елмаер сәбәбем юк димә:
Син үзең – кемнеңдер кояшы!..
Бернигә карамый җил исә:
Миңа ни? Мин сиңа сыендым!
Беркемгә бирмимен барыбер:
Мин сине шулкадәр сагындым!
Язы ни, кышы ни, яңгыры…
«КУ» 03, 2025
Фото: Шедеврум ии
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Кар ява, сибәли, кыздыра, җил исә, бернигә карамый... ................Бернигә карамый, тик кемдер ярына сылану ярамый... ................. ... Сәйлән
0
0