Шигърият
Бер сөйләшик әле...
Бер сөйләшик әле... Сөйлә миңа ниләр уйлавыңны. Үз-үзеңә каршы килеп, елмаюлы битлек киеп уйнавыңны.
***
Бер сөйләшик әле...
Сөйлә миңа ниләр уйлавыңны.
Үз-үзеңә каршы килеп, елмаюлы
битлек киеп уйнавыңны.
Бер сөйләшик әле...
Сөйлә миңа күңелеңә тулганнарын.
Мең бәхетле көннәр арасында
үкенечле көннәр булганнарын.
Бер сөйләшик әле...
Сөйлә миңа вакыт-вакыт талуыңны.
Бик әйтәсең килгәндә дә,
тешең кысып дәшми калуыңны.
Бер сөйләшик әле...
Сөйлә миңа нинди хисләр кичерүең.
Күңелеңнән генә дулап йөреп,
бар дөньясын урыныннан күчерүең.
Бер сөйләшик әле…
"КУ" 07, 2024
Фото: unsplash
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Сөйләшегез инде (Энҗе Хөсәенова белән Булат Ибраһимга пародия)Утырып сөйләшик әле бер,Утырып сөйләшик...(Булат Ибраһим: «Бу заман шулкадәр тизләнде...»)Бер сөйләшик әле...(Энҗе Хөсәенова.”Бер сөйләшик әле....”) “Бер сөйләшик әле,”- ди бит Энҗе дә,“Сөйләшик- ди Булат та, әле бер”...Ахрысы, бу ике шигъри йөрәкнеңбергә каккан мәледер.Сәйлән (Ләйсән Мөгътәсимова)
0
0