Барлы-юклы

Туып туймаучылар да бар,

Туып уйнаучылар да,

Ник туганына үкенеп,

Туар-тумаучылар да.

Сабыйны санга сукмыйча,

Туйга батканнар да бар.

Бер кочак бала үстереп,

Чәчәк атканнар да бар.

Бар булгач, бар!

Бар өстенә

Төкереп ятканнар да бар.

Акча, дисәң, ач пәригә

Денен сатканнар да бар.

Барны – юк, дигәннән генә

Юк булмый.

Юк-юк – булмый!

Бу дөнья шундый үзгәрде –

Уңнан сулга укылмый.

"КУ" 09, 2017

Фото: pixabay