Шигърият
Бар кеше дә айга сыеп бетми
Бар кеше дә айга сыеп бетми, Иза чиккән Зөһрә – бердәнбер.
Бар кеше дә айга сыеп бетми,
Иза чиккән Зөһрә – бердәнбер.
Җирдән торып, зарын айга сөйли
Йөзгә түгел, унга берәүдер.
Ай талпына, мескен, таңга кадәр,
Үз-үзенә күктә урын тапмый.
Күрер күзгә тонык шәүләсе дә
Кеше зарларыннан торган тапмы?
Калкуы да аның һәр төн – дәва җанга,
Адашучы ай күрергә тели.
Кабатламас беркем Зөһрә юлын,
Бар кеше дә айга сыеп бетми.
«КУ» 05, 2026
Фото: Шедеврум ии
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Исем китә, бу кешегә, йә, ни җитми? ............Бар кеше дә, имеш, айга сыеп бетми... .............. ...Соң ул айга менеп нинди файда безгә? ............. Чуртым калган мени шып- шыр айда безгә? ........... ...Кемдер он(ы)та, Ходай барсын уйлаганны,- ............Җир сыйдыра хәтта Җиргә сыймаганны... .............. ... Сәйлән
0
0