Шигърият

Авылда, печәнлектә

Авыл ялгыз, авыл ятим, Этләр дә өрми ялгыш...

Төнге авыл. Төнге тынлык.

Айның яктысы төшкән.

Җем-җем килеп күзен кыса

Йолдызлар төмсә күктән.

Мин ялгызым түгел икән –

Сарыла төнге сагыш.

Йөрәгем уттай янганга,

Уяндым, ахры, ялгыш.

Җил дә йокламый, күрәсең,

Башымнан сыйпап үтте.

Әллә нигә бер сәбәпсез

Йөрәгемне җилкетте.

Төнге авыл. Сәер тынлык.

Якын иптәшем – сагыш...

Авыл ялгыз, авыл ятим,

Этләр дә өрми ялгыш...

"КУ" 12, 2018

Фото: pixabay

Иң мөһим һәм кызыклы язмаларны Татмедиа Telegram-каналындаукыгыз

Комментарии