«Казан утлары» журналы тарафыннан 30 нчы кесә китабы бастырылачак!

Язучы Рәҗәп Бәдретдинның әлеге китапка кергән повестенда гади бер ир-егетнең тылдагы һәм фронттагы тормышы яктыртыла. Әсәр чынбарлыктан алып язылган. Төп герой – авторның махсус хәрби операциядә хәбәрсез югалган абыйсы. Повесть «Татмедиа» Республика матбугат һәм массакүләм коммуникацияләр агентлыгы үткәргән «Геройлар янәшәдә» ачык әдәби конкурсы кысаларында язылды.
Хикәядә исә матур әдәбиятка, китапка караш фәлсәфи уйланулар аша тасвирлана.