Дәү әнием киңәше

Дәү әниле булу рәхәт,
Мин моны яхшы беләм.
Иртән мәктәпкә озата,
Китап укый кич белән.
Чөнки минем дәү әнием
Укырга бик ярата.
Кызык җирендә туктагач,
“Ни булыр?” – дип баш ватам.
Дәү әнием хәйләкәр шул,
“Үзең укып бел!”- дия.
Кызык булгач укыйм инде,
Бездә шундый тәрбия.
Шулай укыта торгачтын,
Үзем дә сизмәгәнмен
Китап уку минем өчен
Шөгыльгә әйләнгәнен.
Рәхмәт инде, дәү әнием,
Син – яхшы тәрбияче,

Телефонны оныттырып,

Китап укыткан өчен.

Гыйниятуллина Илнара Илнар кызы

"Татарстан Республикасы Биектау муниципаль районы Суыксу төп гомуми белем бирү
мәктәбе"нең 9нчы сыйныф укучысы

Фото: unsplash