Ырашкы

Гүзәл СИТДЫЙКОВА (1952) – Башкортстанның халык шагыйре, прозаик, публицист, тәрҗемәче һәм җәмәгать эшлеклесе. БРның Һәдия Дәүләтшина исемендәге Дәүләт премиясе лауреаты. БАССРы ХII чакырылыш Югары Советының халык депутаты, БР  1–3 чакырылыш Дәүләт Җыены – Корылтай депутаты.

Ыңгыраша кебек таулар – ява ырашкы,

Ни булды соң, төягем, дип килә сорашкы.

Ни дисең соң – актарылып ята тамырлар.

Аталарын варислары ничек танырлар?!

Үз тамырын үзе чабып яши кешелек –

Иртәгәдән кадерлерәк бүген кәшилүк.

Алдан алып ашый тора варис өлешен.

Елар мәлләр ерак кебек, бүген – көлешү.

Ырашкыдай күз яшләрем ага боз катыш:

Җаным өши – җир генәмне талау да сатыш.
 

"КУ" 03,2023

Фото: unsplash