Авыр уйлар баскан чакта боекмасын кеше...

Авыр уйлар баскан чакта боекмасын кеше,

Җиңеләя, җилли алар – тынчу һава ише.

Һәм иреккә, иркенлеккә омтылуың, шашып,

Тавышланып алгач, уза – гүя язгы ташу.

Һәм яшәргә теләк хәтта, һәм бәхеткә өмет

Капыл тоныклана – көзге моңсу көннәр кебек.

Акрын гына бата кеше, аңышмый да, белми:

Суырып ала тормыш аны – төпсез сазлыкмыни... 

Рүзәл МӨХӘММӘТШИН тәрҗемәсе.
 

"КУ" 04, 2023

Фото: unsplash