Җырларымның моңы

Сагынганда күңел кая оча?
Күңел оча үткән елларга.
Каш өстеннән кулын алмаенча,
Әнкәм карый кайтыр юлларга.
Сагынганда уйлар кая оча?
Балачагың калган эзләргә.
Яшәү өметләрен ялгый-ялгый,
Әткәем дә атлый көзләргә.
Сагынудан күңел өзгәләнә,
Уйлар оча ерак елларга...
Инде үзем үрелепләр карыйм
Балаларым кайтыр юлларга.

Зәлидә ЗАРИПОВА

 «КУ» 07, 2025

Фото: Raphael Ai