Синең булуың кирәк

Барсын дисәм барлык эшем көйле,
Тойсын дисәм рухым нык терәк,
Кояш чыгып бату гына җитми...
Тулы бәхет өчен СИН КИРӘК!
Тормыш юлы ал-гөл генә түгел,
Итим дисәм аны ямьлерәк,
Чәчәк белән бизәү генә җитми,
Минем янда әле СИН КИРӘК!
Яшәү ямен-тәмен тою өчен
Телим һәр көн бары бер теләк:
Таңнар якты булып атсын өчен
Яннарымда минем СИН КИРӘК!..
Бәхет дулкынында яшәү өчен
Җитми бары бер генә йөрәк.
Тулсын дисәм дөньям җырга-моңга,
Бу дөньяда
СИНЕҢ БУЛУЫҢ КИРӘК!..

Венера Хәсәнова

«КУ» 08, 2025

Фото: Raphael Ai