Сагыш җиле

Кичтән искән җилләр ямь калдырып,

Авылымны үтеп киткәндер.

Кайтам әле, кайтам авылыма,

Әти инде атын җиккәндер...

Келтер-келтер тәгәрмәчләр барыр,

Күңелләрне моңнар уятыр, 
«Керим  әле урманнарга», – диеп,

Йөрәк, түзми, җыру кузгатыр.

Мизгел кебек үткән шушы чорлар:

Җигүле ат көтми капкада.

Сагыш кына хәтер җиле белән

Ятып елый койма-тактада.  

                              Зәлидә ЗАРИПОВА

"КУ" 01,2024

Фото: unsplash