Кышкы урам

Чыксам кичен урамга,
Җем-җем итеп кар ява.
Нинди матур кич бүген!
Сулап туймас саф һава.
Дөнья чумган тынлыкка.
Күктә йолдызлар яна.
Алтын-көмеш утларын
Бар җиһанга тарата.

Кышкы кичкә сокланып,
Матурлыкка хозурланып,
Басып торам урамда,
Кичке сихри тынлыкта.
Алтын тәңкәләре белән
Агачларга бәс сара.
Җир-Ананы иркәләп,
Йомшак юрганын яба.

Илзирә ХАФИЗОВА

«КУ» 09, 2026

Фото: Шедеврум ии