Күңел ашкынуы

Әйтерсең лә, аяк җиргә тими,
Басып йөрим хыял ташкынына.
Матурлыкка, яктылыкка үрлим,
Түзеп булмый күңел ашкынуга.
Ашкына ул ярсу атлар сыман,
Җигеп чаба барлык уйларны.
Омтыла ул офыкларга таба,
Кояшларны иңлим, айларны.
Ашкына ул чишмә суларыдай,
Сафлык-пакьлек өстәп уйларга.
Бар дөньяны бизи якты хыял,
Калмый урын начар тойгыларга.

Илдар ИБРАҺИМОВ

«КУ» 06, 2026

Фото: Шедеврум ии