Балкып яшә, Татарстан!

Татарстан, синең җирлегеңдә
Төрле милләт яши дус булып.
Туфрагыңда үсә игеннәрең,
Кара алтын чыга ургылып.

Бөек-бөек төзелешләр туа,
Үсеп чыга яңа калалар.
Бердәм булып яше-карты синдә
Киләчәккә нигез салалар.
Гасырлардан гасырларга күчә
Мирас булып синең зур даның.
Хезмәт сөйгән халкың – зур байлыгың,
Горурлыгың – Идел, Чулманың.
Балкып яшә, гүзәл Татарстан,
Тыныч булсын күгең һәрвакыт.
Киләчәккә якты өмет белән
Яши алсын синдә бар халык.

Кадрия НАИЛ

«КУ» 05, 2026

Фото: Алинә Хәбибуллина