Абага чәчәге сере

Абагалар үскән куе урман,
Яшереп саклый төсле серләрен.
Ай тулганда чәчәк ата, диләр,
Беркем хәтерләми күргәнен.
Тылсым сарган чәчәкләрне эзләп,
Үткәрмәче япь-яшь гомерең.
Таба алсаң да мәңге үкенерсең,
Аңлап, синең тиңең түгелен.
Бәхет гөлең карурманда түгел,
Бөреләнсен йөрәк түреңдә,
Җан җылыңны тоеп ачылсын да,
Чәчкә атсын язмыш күгеңдә.
Тормыш үзе – серле кара урман,
Саф хисләрең – күңел таҗларың.
Пар канатлы иткән мәхәббәтең
Бүләк итсен көткән назларың.

Фәйрүзә ХӘБИБУЛЛИНА-ЯХИНА

«КУ» 08, 2026

Фото: Шедеврум ии