Кайсы матуррак?
Камил Кәримов бер тере Туфанга, бер скульптурага карый да: – Шулай икән шул, скульптурада матуррак та килеп чыккан әле, – дигән нәтиҗәгә килә.
Камал театры.
Халык Галимҗан Ибраһимовның 120 еллыгына җыелган. Фойеда татар театрының 100 еллыгына багышланган скульптура ансамбле дә куелган. Авторы – Рада Нигъмәтуллина. Скульптураның берсендә Шәүкәт Биктимеров (Әлмәндәр), Марсель Сәлимҗанов һәм Туфан Миңнуллин сурәтләнгән.Әлеге композицияне язучылар сырып алган. Камил Кәримов озак кына карап тора да:
– Туфан абыйны бигрәк ямьсез ясаганнар инде, – ди.
Янында басып торган Роберт Миңнуллин игътибар беләнрәк карый да:
– Юк, нәкъ үзе! Туфанны тагын ничек ясыйсың инде аны? – Аннары ерактанрак узып барган Туфанның үзенә төртеп күрсәтә.
– Әнә бит, чагыштырып кара әле!
Камил Кәримов бер тере Туфанга, бер скульптурага карый да:
– Шулай икән шул, скульптурада матуррак та килеп чыккан әле, – дигән нәтиҗәгә килә.
"КУ" 05, 2018
Фото: pixabay
Теги: юмор сатира
Иң мөһим һәм кызыклы язмаларны Татмедиа Telegram-каналындаукыгыз
Нет комментариев