Зилә Вәлиева Казан Кремлендә быел күпме турист булганын әйтте

Ел башыннан Казан Кремлендә 1,2 миллионнан артык кеше булган. Бу хакта кичә "Татар-информ" агентлыгына музей-тыюлык директоры Зилә Вәлиева белдерде. Искәртеп үтик: узган ел Казан Кремлендә рекордлы санда туристлар - 2,1 миллионнан артык кеше булган. 2016 елның беренче ярты елында музей-тыюлыкта булучылар саны узган елның шул чоры нәтиҗәләреннән арткан. Шулай итеп, 15 июньгә булган мәгълүматларга караганда, Казан Кремленә килүчеләр саны 1,2 миллионнан артып киткән. Музей-тыюлык директоры фикеренчә, туристлар саны күплеге җәйге чорга туры килә. Шул ук вакытта агентлык әңгәмәдәше туристларның рекордлы саны артыннан куарга кирәкми, дип билгеләп үтте. "Андый максат куелмады", - дип аңлатма бирде Зилә Вәлиева. Аның сүзләренчә, ЮНЕСКО Бөтендөнья мирасы объекты буларак, Казан Кремленең төп бурычы, барыннан да элек, мәдәни объектларны саклауны тәэмин итүдән гыйбарәт.

Нравится
Поделиться:
Реклама
Комментарии (0)
Осталось символов: