Язучылар Тукайның әнисен зиярат итәргә китте

Бүген ТР Язучылар берлеге әгъзалары, шул исәптән "КУ" журналының бүлек мөхәррире Гөлзада Бәйрәмова да Г.Тукайның әнисе Бибимәмдүдә абыстайның каберен зиярат итәргә Балтач районының Сосна Пучинкәсе авылына юл тотты. Биредә язучыларның кабергә чәчәкләр салуы, күмәк дога кылуы һәм Балтач районы халкы белән очрашып, җирле әдәби чараларда катнашуы күздә тотыла. Бу чара ТР Язучылар берлеге тарафыннан ел саен оештырыла.