"Туган авылым"да "Риваять" төрки халыклар этникасы һәм һөнәрчелге ансамбленең иҗат кичәсе узачак

12 октябрьдә “Туган авылым” күңел ачу үзәгендә “Риваять” төрки халыклар этникасы һәм һөнәрчелге ансамбленең иҗат кичәсе узачак. Кичәдә, “Риваятьләр, авыллар тарихы, имеш-мимешләр, мифологик хикәятләр”дән торган беренче аудиокитап презентациясе була. Халкыбызның буыннардан-буыннарга күчеп килгән күңел җәүһәрләрен туплаган мондый җыентыкның киң җәмәгатьчелеккә әле беренче чыгуы.  Дискта булган материал, республикада һәм төрле төбәкләрдә яшәгән милләттәшләребезгә тарихибызны, халык иҗатын якыннан белү өчен мөһим, дип яза “Риваять” төрки халыклар этникасы һәм һөнәрчелге ансамбленең җитәкчесе Руслан Габитов.

Бөтендөнья татар конгрессы