"Татмедиа" халыклар һәм диннәр арасында мөнәсәбәтләрне яктырткан эшләргә бәйге игълан итте

«Татмедиа» Республика матбугат һәм массакүләм коммуникацияләр агентлыгы милләтара һәм динара мөнәсәбәтләрне яктырткан иң яхшы журналист эшенә конкурс игълан итте. Конкурс номинацияләре: - «Иң яхшы телевизион сюжет (телевизион тапшыру)», - «Иң яхшы радиосюжет (радиотапшыру)», - «Басма матбугатта иң яхшы язма», - «Интернет мәгълүмат чараларында иң яхшы материал», - «Социаль челтәрләрдәге иң яхшы блог (аккаунт, группа)». Җиңүчеләргә һәрбер номинациядә акчалата бүләкләр каралган: 1 урынга– 65 000 сум, 2 урынга – 51 000 сум. 2017 елның 1 августыннан 2018 елның 20 июленә кадәр шушы тема буенча иҗат ителгән конкурс эшләре 2018 елның 29 июленә кадәр Казан шәһәре, Декабристлар урамы, 2 нче йорт (6нчы кат) адресы буенча кабул ителә. Бәйгегә кимендә 3 эштән торган цикл тәкъдим ителергә тиеш. Элемтә өчен җаваплы: оештыру бүлеге җитәкчесе - Тетерина Марина Михайловна, тел.8 (843) 570-31-06, e-mail: Marina.T@tatar.ru. Бәйгедә актив катнашырга тәкъдим итәбез. Бәйгенең нигезләмәсен «Татмедиа» Республика матбугат һәм массакүләм коммуникацияләр агентлыгы сайтында карарга була.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: