Татарстаннан 98 мең Татфондбанк кертемчесе иминият акчаларын алды

«2017 елның 9 гыйнварена 98 меңнән артык Татфондбанк кертемчесе агент-банклар аша 35 млрд 767 млн сум иминият акчаларын алды, бу кайтарылырга тиешле иминият суммасының 77,2 процентын тәшкил итә», — дип хәбәр итте Татарстан икътисад министры Артем Здунов. Икътисад министрлыгының турыдан-туры линиясенә банк клиентлары булган эшмәкәрләр мөрәҗәгате дәвам итә, шунлыктан кайнар линияләр саны ике тапкыр диярлек арткан (кайнар линия телефоны: (843) 524-90-90 8дән 20 сәгатькә кадәр).

Чыганак: http://tatar-inform.tatar