Татарстанда Яңа ел бәйрәме чараларында барлыгы 72 мең кеше катнашкан

Татарстанда Яңа ел бәйрәме чараларында барлыгы 72 мең кеше катнашты дип хәбәр итте Татарстан Республикасы Министрлар Кабинетында узган брифингта Татарстан мәдәният министрының беренче урынбасары Эльвира Камалова. «Яңа ел чаралары декабрь урталарында ук башланып китте. Барлыгы, яңа ел спектаклләрен һәм чыршы бәйрәмнәрен кертеп, 450 чара үткәрелде, шуның 380е – балалар аудиториясе өчен. Музейларда үткәрелгән чараларда Татарстанда 12 мең кеше катнашты», - диде ул.

Чыганак: http://tatar-inform.tatar