Татарстанда праймеризда барлык сайлаучыларның 13 проценты катнашкан
Алдан тавыш бирүне оештыру комитеты рәисе Лилия Маврина праймеризның оешкан төстә узганын билгеләп үтте.
("Татар-информ", Гөлнар Гарифуллина). Татарстанда бүген алдан тавыш бирүгә, ягъни праймеризга 398 мең 193 кеше килгән. Бу - барлык сайлаучыларның 13 процентын тәшкил итә. Әлеге хакта ТР Дәүләт Советы Секретаре, башлангыч тавыш бирүне оештыру комитеты рәисе Лилия Маврина хәбәр итте.
Ул республикада барлыгы 2 млн 900 сайлаучы исәпләнүен искәртте. "Бүген 20.00 сәгатькә 460 участок бюллетень бирүне туктатып, аларны эшкәртүгә кереште", - диде.
"Праймериз оешкан төстә узды. Исәпләү участокларына, ситуацион үзәккә, оештыру комитетына да зарланулар килмәде", - дип белдерде Лилия Маврина.
Фото: Михаил Захаров
Иң мөһим һәм кызыклы язмаларны Татмедиа Telegram-каналындаукыгыз
Нет комментариев