Татарстанда Бөтенроссия түләүсез юридик ярдәм күрсәтү көне узачак

30 июньдә Татарстанда Бөтенроссия түләүсез юридик ярдәм күрсәтү көне узачак. Республика халкы консультацияне Россия Федерациясе Президентының Татарстандагы кабул итү бүлегендә, “Бердәм Россия” партиясенең төбәк иҗтимагый кабул итү үзәгендә, районнарның (шәһәрләрнең) җәмәгать кабул итү бүлмәләрендә, Татарстан Иҗтимагый палатасы кабул итү үзәгендә алырга мөмкин. Гомумән, кабул итүләр республика буенча 56 пунктта узачак. Аларның адреслары Россия юристлары ассоциациясенең Татарстан төбәк бүлеге сайтында урнаштырылган, дип хәбәр итә "Татмедиа" агентлыгы.

Татар  информ