Ш.Мәрҗани исемендәге тарих институты директоры Рафаил Хәкимов ТР Президентының Рәхмәт хатына лаек булды

Татарстан Республикасы Президенты Рөстәм Миңнеханов кичә Татарстан Фәннәр академиясенең Ш.Мәрҗани исемендәге тарих институты директоры Рафаил Хәкимовка Татарстан Республикасы Фәннәр академиясен үстерүгә, Татарстан халкының мәдәни һәм тарихи мирасын өйрәнүгә керткән саллы хезмәте өчен Рәхмәт хаты тапшырды. Бу хакта Татарстан Президенты матбугат хезмәте хәбәр итә. Рөстәм Миңнеханов Ш.Мәрҗани исемендәге тарих институтының нәтиҗәле эшчәнлеген югары бәяләде. Ул институтның профессиональ коллективының татарлар тарихын өйрәнүдәге зур фәнни эшчәнлеген билгеләп үтте. Моннан тыш Татарстан Президенты Рафаил Хәкимовны юбилее, 12 февральдә тулган 70 яше белән котлады. Рафаил Хәкимов, үз чиратында, Татарстан Президентына Ш.Мәрҗани исемендәге тарих институтына бар яклап ярдәм күрсәткәне, аерым алганда институтка яңа бина бирелүе өчен рәхмәтен җиткерде. Чара Казан Кремлендә Президент резиденциясендә үтте.

Чыганак: http://tatar-inform.tatar