Сарман районы Зур Нөркәй авылында тимурчылык эше алып барыла

Безнең халыкта элек-электән өлкәннәргә хөрмәт һәм ярдәм итү изге эш дип саналган. Сарман районы Зур Нөркәй мәктәбенең 10 нчы сыйныф укучылары үзләрендә шәфкатьлелек, кешелеклелек, миһербанлылык сыйфатлары булдыру өстендә эшлиләр. Әлеге сыйныфта шефлык, тимурчылык эше планлы рәвештә алып барыла, дип яза районның sarman-rt.ru сайты.

Мисалга, укучылар Суфия әбигә хуҗалык эшләрендә көчләреннән килгәнчә булышып киткәннәр: өен җыештырып, бакчасындагы бәрәңгесен алып биргәннәр.

Чыганак: http://tatar-inform.tatar