Дәүләт Советы депутаты, җиңел атлетика буенча тренер Ольга Павлова исә Татарстан депутатлары алдына куелган тагын бер бурычны ассызыклады. Ул республиканың икътисад, социаль өлкә, инновацияләрдәге уникаль тәҗрибәләре бөтен Россиягә файдалы булачак дип сөйләде. Аның фикеренчә, Татарстан депутатларының төп миссиясе – бу үрнәкне федераль дәрәҗәгә күтәрү.
– Сайлауларга килегез. Үзегез, туачак балаларыгыз киләчәге өчен тавыш бирегез, – дип өндәде Ольга Павлова.
“Бердәм Россия”леләр оештырган очрашуларда теләгән һәр кеше үзен кызыксындырган сорауларын бирә, актуаль мәсьәләләрне хәл итү юлларын эзли ала. Бүген исә Мәдәният университеты студентлары тарафыннан заман таләпләренә туры килерлек яңа тулай торак бинасы булдыру теләге яңгырады. Ирек Зиннуров вуз җитәкчелегенә студентларны Универсиада авылына урнаштыру мәсьәләсен хәл итәргә тәкъдим итте. Шулай ук Россиядә мәдәниятне дәүләт тарафыннан үстерү, аңа ярдәм кулы сузу турында да сораулар бирелде. «Бердәм Россия» партиясенең Татарстан депутатлары ай ярым вакыт эчендә республиканың барлык районнарында меңнән артык очрашу уздырган. Сайлаучылар биргән сораулар, аларны борчыган проблемалар Дәүләт Думасының эш планы нигезенә салыначак.
Чыганак: http://intertat.ru
Нет комментариев