Рөстәм Миңнеханов Татарстан балаларын видео ярдәмендә бәйрәм белән котлады

Татарстан Республикасы Президенты Рөстәм Миңнеханов бүген «ВКонтакте» социаль челтәрендә үз битендә татарстанлыларны Халыкара балаларны яклау көне белән котлады. Традиция буенча республика лидеры «Доброе утро! Хәерле иртә!» дип язган  һәм видео куйган, #доброеутротатарстан #деньзащитыдетей хэштегына беркеткән. Бер минутлык видеода Татарстанның бәхетле балалары ике дәүләт телендә республикага хәерле иртә телиләр.