Россия төбәкләренең инвестицияләр җәлеп итүчәнлеге рейтингында Татарстан - икенче урында

Татарстан Россия төбәкләренең инвестицияләр җәлеп итүчәнлеге буенча июнь медиарейтингында икенче урынга чыккан. Әлеге рейтингны Стратегик инициативалар агентлыгы, “Медиалогия” компаниясе, “Publicity” PR-агентлыгы әзерләгән. Быел июнь аендагы белешмәләр буенча, Санкт-Петербург беренче урынга чыккан, моңа кадәрге рейтингта 5 нче булган Татарстан икенче урынга күтәрелгән, өченче урында – Мәскәү өлкәсе. Беренче “бишлек”кә Тула һәм Липецк өлкәләре дә кергән. Медиарейтингны төзүчеләр белдергәнчә, ул төбәкләрне инвестицион һәм эшлекле климатның яхшыруын гавами яктыртуга этәрү өчен булдырылган.

Нравится
Поделиться:
Реклама
Комментарии (0)
Осталось символов: