Россия Министрлар Кабинеты илдә яшәү минимумы күләмен киметте

Россия Министрлар Кабинеты илдә яшәү минимумы күләмен 2016 елның III кварталы нәтиҗәләре буенча 67 сумга киметте. Хәзер ул 9 мең 889 сумны тәшкил итә. Әлеге карар Хөкүмәтнең рәсми хокукый мәгълүмат порталында урын алган.

Документ нигезендә, эшче хәлендәге халык өчен яшәү минимумы 10 мең 678 сумны, пенсионер өчен  8 мең 136 сумны, ә балалар өчен 9 мең 668 сумны тәшкил итәчәк.

Россия Хезмәт министрлыгына сылтама белән “Interfax.ru” хәбәр иткәнчә, яшәү минимумы аның составындагы азык-төлек бәяләре 1,9 процентка төшүе сәбәпле кимегән.

Чыганак: http://tatar-inform.tatar