Мәскәүдә ТР халык артисткасы Нәҗибә Ихсанова турындагы фильмның премьерасы булачак

16-18 августта Мәскәүдә Татарстан Республикасы Мәдәнияте көннәре узачак.  Аның кысаларында режиссер Алмаз Нургалиевның “Нәҗибә” фильмның премьерасы күрсәтелә. 60 минут дәвам иткән документаль фильм Россия һәм Татарстанның халык артисткасының 80 яшьлегенә багышланган һәм Татарстан Республикасы Мәдәният министрлыгы ярдәмендә төшерелгән. Татарстан башкаласында әлеге фильмны XIII Казан халыкара мөселман киносы фестивале кысаларында күреп булачак. Ул 5-11 сентябрь көнне уза.  

ТР Мәдәният министрлыгы