Кәрәкәшле авылында әбиләр чуагына багышланган концерт узды

Ютазы районы Кәрәкәшле авылы башлангыч хатын-кызлар советы авылдашларын “Шатлыклы да, сагышлы да бу әбиләр чуагы” исемле бәйрәм кичәсен оештырды. Бу хакта "Ютазы таңы"  газетасы яза.

Авыл үзешчәннәреннән оештырылган “Хатирә” җыр ансамбле чыгышы белән башланган кичә авылның аксакаллары язмышын бәян итү, быел тигез никахта ярты гасыр һәм аннан да күбрәк яшәүче бәхетле парларны, күркәм юбилейларын билгеләп узган әби һәм бабайларны, дәһшәтле 1941 елда туган сугыш чоры балаларын тәбрикләүләр белән үрелеп барды, дип яза басма.

Чыганак: http://tatar-inform.tatar