Казанда шагыйрә Лилия Сәлахетдинова белән очрашу кичәсе узачак

31 октябрь көнне шагыйрә, "Ярдәм" тернәкләндерү үзәге җитәкчесенең тәрбия эшләре буенча урынбасары Лилия Сәлахетдинова белән очрашу узачак. Әлеге кичә турында "Татар-информ" хәбәрчесенә шагыйрә үзе сөйләде. "Очрашу уздырырга "Хатын-кызлар гимназиясе" проекты авторы Айгөл Биктимерова тәкъдим итте. Кичәнең оештыручысы булып нәкъ менә шушы гимназия тора. Очрашуга төрле яшьтәге хатын-кызлар килер дип көтәм, алар белән хатын-кызларның көче турында сөйләшәчәкбез. "Хатын-кызның көче" - узачак кичәнең төп темасы. Бу тема эчендә ихтыяр көче, Аллаһка ышану турында әңгәмә корачакбыз. Үземнең тормышымнан чыгып хатын-кызга тормышта үз урынын ничек табарга һәм, гомумән, ничек яшәргә икәнен аңлатырга тырышачакмын", - дип җиткерде Лилия Сәлахетдинова. Очрашу 17:30да Казан шәһәренең Галиев мәчетендә узачак.        
Миләүшә Гафурова, Татар информ
Фото: Солтан Исхаков

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: