Казанда "Машина төзелеше" XVI Халыкара күргәзмә эшлиячәк

“Казан Ярминкәсе” күргәзмә комплексы территориясендә “Машина төзелеше” XVI Халыкара күргәзмә эшли. Татарстан машина төзелеше предприятияләре советы утырышын Татарстан Президенты Рөстәм Миңнеханов уздыра. “Татарстан машина төзелеше предприятияләре советы утырышын үткәрәм”, - дип язган Twitterда республика Президенты. Бер ел элек “Машина төзелеше. Металл эшкәртү. Казан” күргәзмәсендә дөньяның 10 иленнән 166 компания катнашкан иде. 2016 елда 13 илдән 170гә якын катнашучы көтелә. Күргәзмәдә Беларусия, Германия һәм Чехия илләре дә үз экспозицияләрен тәкъдим итәчәк.

Чыганак: http://tatar-inform.tatar