П роект ике республиканың туристлык мөмкинлекләрен үстерү һәм поездларда да төрле турлар булдыру максаты белән тәкъдим ителә. Хәзер бу проектны Казан белән Уфа арасында язгы үзара туристлык поезды хәрәкәтен оештыру өлешендә тормышка ашыру буенча фикер алышалар. Мөгаен, язын поезд бер көнлек сәяхәт өчен булыр – кичен кешеләр поездга утыра, төнлә баралар, иртән килеп җитәләр, Казан яки Уфаның истәлекле урыннарында булалар һәм кич кире кайталар. Әгәр туристлар арасында ихтыяҗ була икән, көзге каникулларда ике көнлек тур булдырылачак. Хәзер ике шәһәр вәкилләре бу проектны чынга ашыру мөмкинлекләре һәм турпакет бәясе буенча сөйләшүләр алып бара.
Бүгенге көндә ике арада автобус йөри. Казаннан Уфага көн саен егермешәр автобус кузгала. Билетның уртача бәясе – 1000 сум, юлда сигез сәгать бара. Очкыч белән тизрәк барып җитәсең. Бер якка очу бәясе – 2700 сум.
Чыганак: http://www.shahrikazan.com
Нет комментариев