Казан аэропортында корал табылган

Кичә "Казан" халыкара аэропортында таможня контроле үткәндә Таҗикстан гражданинында пневматик корал табылган. Ир-ат SZ 206 Казан-Дүшәнбе рейсы белән туган ягына очмакчы булган. Бу хакта Татарстан таможнясының матбугат хезмәте хәбәр итә. Ведомтствода әйтүләренчә, коралга декларация булмаган, пассажир таможня контролен үтү өчен "яшел коридор"ны сайлаган. Таможня экспертизасын уздыру турында карар кабул ителгән.