"Хәзинә" галереясендә Болгар һәм Зөя утрау-шәһәрчегенә багышланган фотокүргәзмә ачылачак

16 мартта «Хәзинә» галереясендә Болгар һәм  Зөя утрау-шәһәрчегенә багышланган фотокүргәзмә ачыла, дип хәбәр итә Татарстан Мәдәният министрлыгы матбугат хезмәте. Күргәзмәдә Зөя утрау-шәһәрчеге, Болгар музей-тыюлыгыннан һәм Дәүләт сынлы-сәнгать музееннан фотографияләр тәкъдим ителәчәк. Фотоларда Болгар һәм Зөя шәһәрчегенең элеккеге хәлендә дә, яңартылган бүгенге халәтендә дә күреп булачак. 1970-2010 елларда Казан фотографлары Евгений Канаев, Валерий Павлов, Фәрит Гобәев, Андрей Богданов, Сергей Еромлаев, Александр Семенов, Сергей Максимов һәм башка күп фото сәнгате осталарының башкарылган эшләре урын алачак. Күргәзмә 26 мартка кадәр дәвам итәчәк, анда 200дән артык фотография куелачак.

Чыганак: http://tatar-inform.tatar

Нравится
Поделиться:
Реклама
Комментарии (0)
Осталось символов: