«Голос» РФ Үзәк сайлау комиссиясенең республикада сайлауларга әзерлеккә уңай бәя бирүен хуплады

Татарстанда «Голос» хәрәкәте РФ Үзәк сайлау комиссиясенең республикада сайлауларга әзерлеккә уңай бәя бирүен хуплады. Татарстанда “Голос” координаторы Михаил Тихонов РФ Үзәк сайлау комиссиясенең утырыш фрагментын үзенең Facebook битендә урнаштырды. 
Утырыш барышында РФ Үзәк сайлау комиссиясе рәисе урынбасары Николай Булаев республикада сайлау урыннарында видеокамералар урнаштыру мәсьәләсен кузгатты. Шулай ук ул ТР Үзәк сайлау комиссиясенең бары тик территориаль комиссияләрендә генә видеокүзәтү булуы турында карарны хуплады. 
Булаев сүзләре буенча, РФ Үзәк сайлау комиссиясе Татарстанның сайлау участогы комиссияләренең барлык әгъзаларын укыту буенча күләмле эшен билгеләп үтте. 21 кеше дә укуны тәмамлады һәм хәзер “Татарстан сайлаучысы” дип аталган махсус мобиль кушымтага керә ала. Анда Хокук бозуларны видео итеп саклау һәм тапшыру мөмкинлеге дә бар. ТР УСК рәисе Мидхәт Шаһиәхмәтов сайлау участогы комиссияләре әгъзаларын укыту һәм әзерләү турында сөйләде. 
Булаев ассызыклап үткәнчә, аларны укытуга ресурслар өстәү – акыллы карар. “Төбәкләрдә сайлау процессын мөмкин кадәр әзерлекле кешеләр катнашырлык итеп эшләү теләге бар. Сайлау комиссияләре әгъзаларын әзерләүгә җитди ресурс кертелде. Закон кысаларында кешеләрне хатасыз эшләргә өйрәтү – дөрес алым”, - дип нәтиҗә ясады Булаев.