Әлмәт шәһәрендә "Яшел фитнес" проектының ачылу тантанасы узачак

Татарстанның Әлмәт шәһәрендә спорт белән шөгыльләнү һәм сәламәт яшәү рәвеше алып баруга җәлеп итүче, мөмкинлекләр тудыручы иң масштаблы проект яңа форматка күчә – "Яшел фитнес" ел әйләнәсендә уздырыла башлаячак, дип хәбәр итә "Әлмәт таңнары" газетасы.

6 ноябрьдә 10.30 сәгатьтә шәһәрнең Нефтьчеләр мәйданында проектны тантаналы ачу чарасы көтелә. Хәзер "Яшел фитнес" һәр сезон саен яңартылып, һәр якшәмбе әлмәтлеләрне төрле фитнес-юнәлешләр белән сөендерәчәк. Шулай ук командалар өчен күнекмәләр, күңелле бәйге-ярышлар, бүләкләр уйнату да планлаштырыла.

Чыганак: http://tatar-inform.tatar