Бурятиядә Юныс Әхмәтҗановка багышланган Байкал Сабан туе - 2017 узачак

25 июньдә Бурятиянең Мухоршибир районындагы Саган-Нур авылында Байкал Сабан туе — 2017 үтәчәк. Бәйрәм ел саен җирле татарларның төбәк милли-мәдәни автономиясе тарафыннан оештырыла. Быелгы, уникенче Сабан туе Мухоршибир районы оештырылуга 90 ел тулуга һәм танылган татар аш-су остасы Юныс Әхмәтҗановның тууына 90 ел тулуга багышлана. Оештыручылар 2017 ел Сабан туе да күңелле үтәчәгенә шикләнми, тырышып соңгы әзерлек эшләрен алып баралар.

Бөтендөнья татар конгрессы