Бердәм дәүләт имтиханнары тапшыруның төп этабы башланды

Россиядә, шул исәптән Татарстанда да, Бердәм дәүләт имтиханының төп этабы башланды, ул 2 июльгә кадәр дәвам итәчәк. Бүген чыгарылыш сыйныф укучылары география, информатика һәм мәгълүмати-коммуникацион технологияләрдән имтихан тапшыра. Татарстанда БДИның төп этабында имтиханны 16 меңгә якын кеше (узган ел алар 14,5 меңнән артык иде) бирәчәк. БДИ 14 фән буенча үткәрелә. Республикада 84 имтихан үткәрү пункты эшләячәк, аларда 1406 аудитория исәпләнә. Аларның һәркайсында видеокамералар урнаштырылган. Чыгарылыш сыйныф укучыларына аттестат алу өчен рус теленнән – 24, математикадан 27 балл җыярга кирәк. БДИның көзге этабы 4-15 сентябрь көннәрендә узачак.

Татар-информ

Фото: архив/Ильнар Тухбатов

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: