Башкалабызда "Туган тел" бөтенроссия осталык дәресләре бәйгесе узачак

23 - 24 март көннәрендә Казанда ана теле һәм әдәбияты укытучыларының «Туган тел» бөтенроссия осталык дәресләре бәйгесе үтәчәк. Бу хакта Татарстан Мәгариф һәм фән министрлыгы матбугат хезмәте хәбәр итә. Әлеге чараның төп максаты: ана теле һәм әдәбияты укытучыларының дәрәҗәсен күтәрү, педагогик тәҗрибә һәм һөнәри осталыкны тарату, алмашу, шулай ук Россия Федерациясе субъектларында татар теле һәм әдәбиятын, мәдәниятын саклауда һәм аны үстерүдә өстәмә шартлар тудыру. Бәйгедә җәмгысе 88 ана теле мөгаллиме (рус, мари, мордва, удмурт, чуваш һәм иврит телләре) катнаша. Бәйгедә Татарстаннан һәм 16 мөгаллим Россия Федерациясенең 9 төбәгеннән булган. Бәйгенең бу турында катнашу өчен Россия төбәкләреннән 14 укытучының эше, Татарстаннан исә 56 укытучы эше сайлап алынган булган. Ана теле һәм әдәбияты укытучыларының «Туган тел» бөтенроссия бәйгесенең йомгаклау тантанасы 24 мартта 10.00 сәгатьтә Татарстанның Халыклар дуслыгы йортында үтәчәк.

Чыганак: http://tatar-inform.tatar

Нравится
Поделиться:
Реклама
Комментарии (0)
Осталось символов: