Башкалабызда көзге уңыш фестивале узачак

Якшәмбе, 25 сентябрьдә Казанда Кремль яр буенда көзге уңыш фестивале узачак, дип хәбәр итә оештыручылар.

Республика фермемарлары сәүдә мәйданнарында яшелчә, җиләк-җимеш, икмәк-күмәч эшләнмәләре, сөт ризыклары, бал һәм башка азык-төлек тәкъдим итәчәкләр. Азык-төлекне кабып карап тәмен белергә мөмкин булачак, дип ышандыра оештыручылар.

Ярминкә кунакларын киң күңел ачу программалары – балалар өчен мастер-класслар, аниматорлар һәм аквагрим, призлы конкурслар, селфи ясар өчен тематик фотозона һәм музыкаль чыгышлар көтә.

Бәйрәм чарасы сәгать 12дә башлана.

Чыганак: http://tatar-inform.tatar