Күз яшьләрен китерә торган ВИДЕОЛАР

(Tatar today) Җырчы Хәния Фәрхинең арабыздан китүенә дә күпме вакыт үтте, әмма аны сагыну, югалту ачысы әле дә тынмый. Күптән түгел аның кызы Алсу Инстаграм битендә күз яшьләре китерә торган видео кертте. Анда Хәния ханым һәм аның гаиләсе, үзе булган фотолар, видеолар тупланган. “Технологияләр нинди үсештә… телефон үзе шушы видеоны ясады. Мин шаккаттым. Ә музыкасы… Бу, чыннан да, иң яхшы хатирәләр җыелмасы”, дип язып куйган Алсу. Аңа язылучылар да видеоны күз яшьләрсез карый алмауларын белдереп, комментарийлар калдырган.