2017 елда мәдәният һәм кинематография өлкәсенә бүленәчәк акчалар күләме 31 процентка үсәчәк

2017 елга Татарстанның мәдәният һәм кинематография өлкәсенә 6761,2 млн сум күләмендә акча бүлеп биреләчәк. 2018 елга бу сумма 7119,4 млн сум, 2019 елда 7083,4 млн сум тәшкил итәчәк. Агымдагы ел бюджетын раслаганда, Татарстан Мәдәният министрлыгына 3820,5 млн сум акча бүлеп бирелгән булган. 2017 елга бүленәчәк бюджет хисабына “Зөя утрау-шәһәрчеге һәм борынгы Болгар мәдәни мирасы”  комплекслы проектын, “2014-220 елларда Татарстан Республикасы мәдәниятен үстерү” прграммасын тормышка ашыру  һәм тагын 6 дәүләт программасы гамәлгә кую каралган. Бу хакта Татарстан Дәүләт Советының мәгариф, мәдәният, фән һәм милли мәсьәләләр комитеты утырышында республика финанс министры урынбасары Алла Анфимова хәбәр итте. Аның сүзләренчә, әлеге сумма Татарстанның барлык мәдәни үзәкләрен тәртиптә тоту өчен җитәчәк.  2016 ел бюджеты белән чагыштырганда, мәдәният һәм кинематография өлкәсенә бүленәчәк акчалар күләме 31 процентка югарырак.

Без хәбәр иткәнчә, 2017 елда массакүләм мәгълүмат чараларына акча, быелга караганда,кимрәк бирелә.

Чыганак: http://tatar-inform.tatar

Нравится
Поделиться:
Реклама
Комментарии (0)
Осталось символов: